කොවිඩ්-19 වසංගතය මුලිනුපුටා දැමීමේ අවකාශය සාකච්ඡා කිරීම සඳහා, කීර්තිමත් විද්‍යාඥයන් හා වසංගත රෝග විශේෂඥයන් මඬුල්ලකගේ සහභාගීත්වයෙන්, ලෝක සමාජවාදී වෙබ් අඩවිය සහ කම්කරු ක්‍රියාකාරී කමිටුවල ජාත්‍යන්තර සන්ධානය (කජාක්‍රිකස) ඔක්තෝබර් 24 වැනි දා ඉරිදා ඔන්ලයින් සාකච්ඡාවක් පවත්වයි. වසංගත සමයේ තමන්ගේ අත්දැකීම් පිලිබඳ ව කතා කරමින් සහ විද්‍යාඥ මඬුල්ලට ප්‍රශ්න ඉදිරිපත් කරමින්, ජාත්‍යන්තර ව ක්‍රියාකාරී කමිටුවල නිරත ව සිටින කම්කරුවෝ ද මෙම සාකච්ඡාවට සහභාගි වෙති.

වසංගතයේ දෙ වසරකින් ඉක්බිති ව, කොවිඩ්-19 රෝගය හේතුවෙන් සිදු වී ඇති ගෝලීය නිල මරන සංඛ්‍යාව දැන් මිලියන 5ට අධික ය. “අතිරේක මරන” මගින් ගනන්ගනු ලබන සැබෑ ගෝලීය මරන සංඛ්‍යාව මිලියන 10ට අධික ය. වර්තමානය වන විට, කොවිඩ්-19 වැලඳෙන දෛනික පුද්ගලයන් ගනන ආසන්න වසයෙන් මිලියන බාගයක් වන අතර, දෛනික ව 6,000ක් පමන මිය යති. කායික සහභාගීත්වය සහිත ව පාසල් යලි විවෘත කිරීම විසින් ජනනය කර ඇත්තේ, අනතුරුදායක සංඛ්‍යාවලින් දැන් වෛරසය ලමුන්ට ආසාදනය වීමට සලස්වා, සමස්ත පරම්පරාවක් සඳහා ම නො දන්නා දීර්ඝ කලීන විපාකවල ගොදුරු කිරීමයි.

වගකීම් විරහිත හා සාපරාධී පිලිවෙත් නිසා වෛරසය පැතිරීමට හා ප්‍රභේදයන් ඇතිවීමට ඉඩ ලැබී ඇත. එක්සත් රාජධානියේ බොරිස් ජොන්සන්ගේ, බ්‍රසීලයේ හායර් බොල්සොනාරෝගේ සහ අනෙකුත් රටවල ආන්ඩු, “රංචු ප්‍රතිශක්තිය” හෙවත් හිතාමතා ම මහා පරිමානයෙන් මහජනයාට වෛරසය ආසාදනය වීමට ඉඩ දීමේ පිලිවෙත් අනුගමනය කරති. එන්නත්කරනය කරන ඒකාබද්ධ අප්‍රමානවත් “අවම කිරීමේ” පියවරයන්වලට වසංගතය නැවැත්විය හැකි යයි එක්සත් ජනපදයේ බයිඩන් පරිපාලනය කරන කියාපෑම, ආසාදන හා මරනවල යෝධ නැගීම විසින් සාවද්‍ය බව ඔප්පු කරයි. කොවිඩ්-19 පැතිර යාම මන්දනය කිරීම ඉලක්ක කරගෙන පනවා ඇති සංචරන හා අනෙකුත් සීමාවන් ඉවත් කරන ලෙස ඕස්ට්‍රේලියාවේ හා නවසීලන්තයේ ආන්ඩු මත යෝධ පීඩනයක් පනවනු ලබමින් තිබේ.

වසංගතය නැවැත්විය හැකිය; එය නතර කල යුතු ය. වෛරසය සදහට ම තුරන් කිරීම සඳහා, ගෝලීය පරිමානයකින් සම්බන්ධීකරනය කරනු ලබන, කොවිඩ්-19 පරාජය කිරීමේ පියවරවල සෑම මෙවලමක් ම විශ්වීය ලෙස යොදාගැනීම අත්‍යවශ්‍ය වන මුලිනුපුටා දැමීම එක ම ශක්‍ය හා ඵලදායී මූලෝපාය බව ප්‍රමුඛ විද්‍යාඥයෝ අවධාරනය කරති.

මුලිනුපුටා දැමීමේ අවකාශ විස්තර කරන මෙම ඔන්ලයින් සාකච්ඡාව, වසංගතය අවසන් කර අනාගතය යලි අත්පත් කරගැනීම සඳහා පලල් ව පදනම් වන හා ජාත්‍යන්තර ව්‍යාපාරයක් වර්ධනය කිරීම සඳහා අවශ්‍ය තීරනාත්මක ඥානය මහජනයාට සම්පාදනය කරනු ඇත.